Tarzan, La Nevenkita (extrakto)
Yen extrakto de mea traduko de Tarzan the Untamed.
Intrigo: Tarzan kombatas kom unovira armeo kontre la germani dum la komenco dil Unesma Mondmilito, por venjar su pro la morto de sua damo ye lia manui.
Chapitro 1
ASASINO E SPOLIADO
Hauptmann Fritz Schneider marchis fatigite tra la obskura koridoroj dil foresto. Sudoro glitis ye sua kapo di bolido kaj restis sur sua pezoza bokegi e kolo di tauro. Sua lietnanto marchis apud il, dum von Gross seguis dope kun poka di akaciani. La fatigita e preske exhaustita portisti qua la soldati nigra, segun la exemplo de sua oficiero blanka kurajigis kun la akra punti di fusila kulteli e la metala talono di sua fusilo.
Ne esis portisti apud la Hauptmann, do il jurachis ad la plu proxima askariani, tamen sorgeme nam ici homi portis fusili charjita--e la tri blanka homi esis sola kun ili en la kordio di Afrika.
La duimo dil grupo marchis ante il e la duimo dope--quale la danjeri desgrandeskis por la kapitano germana. Ante la grupo, du barbari nuda marchis fatigite, ligita inter ili kun kateno ye kolo. Ici esas la guidanti arborigena koaktita ad servo dil Kultur e la insigni dil Kultur esis videbla per multa vunduri kruela sur lia korpi batita. Do mem en la parti de Afrika la plu sovaja, la lumo dil civilizeso germana ariveskis ad arborigeni desdigna dum la sama periodo--la autuno di 1914--olua glora bonaji anke vizitis la desbonchanca lando di Belgia.
Esas vere ke la guidanti duktis fore la grupo, quale multa guidanti afrikana. Anke ne gravis ke esu pro nesavo, vice desbona intenci ke ili eraris. Suficas ke Hauptmann Schneider savis ke ili esis perdita en la dezerto afrikana e ke esis homi plu febla kam il, qui sufrus pro tormento.
La povra kreiti esperis trovi bonchance la korekta voyo. Ili insistis bona savo dil voyo e do dure seguis tra obskura foresto alonge mikra voyeto kreita per multa generacii de animali sovaja.
Hike la elefanto, Tantor, marchis segun voyo longa de fango e aquo. Hike la rinocero, Buto, movis su plumpe e sola. Nokte, granda felini marchis tranquile kun pedi mola sub dika arbori til la plano larja, ube esas plu bona chasado.
La guidanto nun vidis vasta plano, donante ad ili nova espero. La Kapitano sentis tranquileske nam pos marchar dum jorni en junglo dika, il vidas fine larja agri e kun multa herbo. Esis kelka arbori e rivero fora. Por il, ol esas preske paradizo. La germano ridetis, parlante felice ad sua lietnanto. Il regardis la tereno per bilorno, movante ol trans la montetij, pos restis ye loko apuda en plena plano, proxima ad rivo dil rivero.
"Ni havas bonchanco," dicis Schneider ad sua kolego. "Kad vi vidas ol?"
La lietnanto anke rigardis per sua propra bilorno, fine tornis ad la sama loko quale sua kapitano.
"Yes," il dicis. "Ol devas esar la domo di Greystoke, nam ne esas altra en ici parto di Afrika Angla Orienta. "Deo esas kun ni, Herr Kapitän."
"Ni trovis la schweinhund angla multa ante ke il savos ke sua lando kombatas kontre la nia," respondis Schneider.
"Ke il esu la unesma sentar la fera pugno di Germania."
"Ni povas esperar ke il esu en la domo. Ni do povus kunporti il kun ni por informigi Kraut che Nairobia. Iros ya bonege por Herr Hauptmann Fritz Schneider se il portos la fama Tarzan dil Simii quale kaptito di milito."
Schneider ridetis e inflis sua pektoro. "Vi justas, mea amiko," il dicis, "iros glate por ni, ma me devos voyaji fore por atrapar la General Kraut ante ke il atingis Mombasa. ici Angla porki kun lore abjekta armeo voyajos rapide ad la Indiana Oceano."
La mikra forco havis plu bona atitudo kande ili ireskis trans la apertita lando ad la neta farma edifici di John Clayton, Lord Greystoke. Ma ili esus decepto nam nek Tarzan dil Simii nek sua filio esis en la domo.
Lady Jane, ne savante ke esis milito inter Granda Britania e Germania, bonvenigis la oficieri ege varme e demandis sua fidi Waziri preparar festo por la nigra soldati dil adverso.
Fore ad esto, Tarzan dil Simii voyajis rapide ek Nairobia ad la farmo. En Nairobia il ricevis novaji ke la milito dil Monda Milito ke komeneskabis, e, atendante rapida invado de Angla Esto Afrika da germani, hastis ad la domo por prenar sua spozino ad loko plu salva. Kun il esis dudek di sua nigra soldati, ma la progreso de ici edukita e experiencita foresteri esis multa tro lenta por la simio-viro. Kande necesis, Tarzan dil Simii faligis la magra kovrilo di civilizeso e kune sua vestaro. Pos momento la eleganta angla sioro chanjeskis en la nuda simio-viro.
Sua damo esis minacita. Ta sola penso dominacis. Il ne pensis pri el quale Lady Jane Greystoke, ma quale la femino ke il ganabis per la forteso di sua muskoli di stalo, e ke il devas asekurar per la sama armi. . .