Oli esas nur lingui
Multa yari ante, kande me lerneskis Esperanto, me volis salvar la mondo per la miraklo de rekta komunikado inter stranjera populi. Me devenis akurata uzanto, e vera ESPERANTISTO, pronta ad afrontar la Idioma Barilo e la forci obskura di monolinguismo.
Tamen pose dekyari de luktado, me trovis un vereso partikulara: omni esis plu o min indiferenta ad lingui. Kad la lingua internaciona? Segun multi, ico esas la Angla, certe.
Me audis la sama enunci milfoye: "(Idioto!) Omni parolas la angla! Ube esas la problemo?" "Esperanto? Tu volas dicar, la linguo quan nulu parolas? Quale fiasko!"
Do pose dekyari tale, me metis adlatere mea glavo e shildo e eniris la domo di Raumismo por lekar mea plagi.
Depos ico epoko, esperanto e tota planlingui devenis nur lernolingui por me. Amuza, importanta--mem grava--sed nur lingui.
Certe, existas grava problemi di komunikado en la mondo. Ed yes, me ankore kredas ke omni (o preske) devus paroli planlinguo quale duesma linguo. Samtempe me anke kredas ke ica idealo ne devenus realo per agado evangeliala.
Anke sembla me eroras. . .qua savas? Ma nun me pensas ke uzar linguo esas la maxim voyo por vivigar lo. Do me uzas Ido e kontributas al komunio quale me povas.
Qua savas, forsan esez 'la duesma linguo por omni' ye la futuro. Ma dume, lernar stranjera lingui esas tre amuziva. Vivez (plan)lingui!